Pertsona talde txiki bat gara, WHS mundua aldatu nahi dugunok, gauza txikiak eginez.

WHS-k erasandako pertsonen eta euren familien bizi kalitatea hobetu nahi dugu. Horretarako, ikerkuntza bultzatzen dugu, inklusiorako ekimenak eta gaixotasun ez-ohiko honen berri emateko ekintzak sustatzen ditugu, baita sentsibilizazioa eta ikusgarritasuna handitzeko akzioak ere

“Jakin”, “EGITEN jakin”, “IZATEN jakin” eta “ELKAR BIZITZEN jakiteko” modu bat bilatzen dugu, zerbitzatuz eta gardentasuna, eraginkortasuna, berrikuntza eta interes orokorreko etekinak eskainiz; hori bai, oso argi daukagu helburu nagusia kalitatea eta erasandako pertsonari eta bere familiari arreta eskaintzea dela.

Gure baliabideak mugatuak direla badakigu, eta gure betebeharra da ahalik eta gehien aprobetxatzea, proiektua bideragarri izan dadin, baina batez ere eraginpeko pertsonengan eta senitartekoengan benetako inpaktua izan dezan eta Fundazio honek gizartean oihartzuna izan dezan.

Gure sortze helburuak lortzeko ezinbestekoa da komunikazioa, kohesioa, lidergoa, talde-lana, helburuak argi izatea, gardentasuna eta gure harremanak onak eta zintzoak izatea. Modu koherentean ari gara, gugan konfiantza jarri duten pertsona guztiei kontuak ematen.

Zuen LAGUNTZEI ETA EKARPENEI ESKER biltzen dugun dirua gizarte-, hezkuntza-inklusioko eta ikerkuntza-proiektuetara bideratzen da. Finantzazio publiko eta pribatuarekin batera, lagun iezaguzu ikerkuntza-proiektu berritzaileak garatzen; adibidez, Severo Ochoa Fundazioaren eskutik Cobaleda doktorearen taldeak garatu dituen ikerketak.